ANAK DATUNG

Voc: Eka Diana

Apo nian salah aku salah nyo aku
mako nyo anak yo datung idak kutuju 2x
mungkin nyo ado datung pamudo lain
mako nyo sampai yo datung aku di benci 2x

Reff:
Lah ku tunggu kutantik tamat sikula
tamat sikula hang lain ngan mao jadi 2x
bia dak jadi yo datung minantu kayo
namun nyo kayo yo datung datung ku jugo 2x

Idak nian salah nyo kayo datung
salah nyo anak kayo pumilih
sampai hati si anak datung
buang pumisan ambik uhang lain

Kembali ke reff

TINGGANLAH ADIKKU TINGGAN

apo jauh burung terabang
balik ranyo kurimbo jugo
sungguh jauh uwo murantau
balik ranyo kuadik jugo

tingganlah adikku tinggan
tingganlah adikku tinggan

sungguh tinggi kayu bulian
tinggi jgo kayu d pulau
sunggu sdih adx ngan tinggan
sndih jgo uwo d rntau

tingganlah adikku tinggan
tingganlah adikku tinggan

tinggan lah dik tinggan dibupisah kito smo lah dikenang janji lamo
tinggan lah dik tinggan dibupisah kito smo lah dikenang janji lamo

masak padi rang talang lindung
idak burayi nyo masak jgo
tujuh lapih bukit mulindung
namun adik nyo nampak jgo

tingganlah adikku tinggan
tingganlah adikku tinggan

NUMPANG BATUIK

kalu bulih numpang batuik,,,
adik mnih spo ngan tuen,,,
ambut panjang hitam tiurai,,
putih kuning tubuh samampai,,
hati kami tagilo ranyo,,,

bilo adik jauh di mato,,,
hati rindu nak busuo,,
kalu adik idak butali,,
bulih kami mungikat janji,,

nasi tiletak idak tamakan,,
ayie di minum raso kah sekam,,
dipunano ka adik jugo,,,

kalu lah adik di tangan kami,,
ap lah kndak kan kami tuhut,,
senang hati senang punano ,

bia langit jatuh kabumi,,
namun nyo adik idak ku lpeh,,
kamano bae kan kami bao,,,

SALAH MUNYINTO

Kumano.......
Kumano ku bao cinto ngan ayi mato
Kumano......
Kumano ku bao rindu ngn hati luko
Cinto ngan suci kini tibuang
Uhang ngan benci kusangko sayang
Hati ku kini raso tigamang
Nasib sitano rakit putuh pungarang

Kumano
Kumano ku bao cinto ngan ayi mato
Kumano
Kumano ku bao rindu ngan hati luko

Hidup ku kini dalam murano
Karno nyo badan salah munyinto
Dingan ku cinto idak sipadan
Nyo umpamo bungo dipulau intan

Patutlah nian cinto tibuang
Patutlah nian kasih jauh buripang

RENAH PUNAWA

Agi lah nian sipadang lalang
Adik lah nanam cimedak tinggi 2x
Agi lah nian tiraso sayang
Adik lah nalak sigenti kami 2x

Pgi buladang kusungai lintang
Renah punawa tempat uhng sulak 2x
Jangan disangko kami dak sayang
Karno musekin sayang dak nampak 2x

Sirih dibelah pinang dibelah
Kapo ado dalam bulungkin
Kasih ku elah sayang ku elah
Ulak di adik apo lah unding

Kalu lah rebah batang sitangki
Batang jiluang ku tanam pulo 2x
Adik lah dapat si genti kami
Uhang burado sigalo ado 2x

Tanam lah padi si padi payo
Uhang busiang di paneh petang 2x
Adik lah senang hidup buduo
Kami ngn malang bialah hilang 2x

Sirih dibelah pinang dibelah
Kapo ado dalam bulungkin
Kasih ku elah sayang ku elah
Ulak di adik apo lah unding

LIKU PUNGHALANG

L: Saayun samo bubuai
Bubimbing sairing jalan
Adik sayang
P: Bungo-bungo mungembang
Tuhut muraso senang
Abang suhang
P: Cinto tipaut kasih
L: Sayang baujung rindu
P: Pintak sagalo bulih
L: Kandak ngan lun ragu
P: Hari-hari bujanji
L: Kato punyenang hati
Adik sayang
P: Abang suhang

L: Munanggung rindu kasih sayang pungiring liku cinto
Buragam suo rintang punghalang pumisah duo
P: Abang suhang ku sayang sapanjang maso
Abang suhang ku cinto sampai dunia karam

SURAT UNDANGAN

Cipt: Arles cn

Tirebang burung mumbao tali
Hinggap di ateh siranting mati
Kasih kusanjung lah dapat kanti
Nangih bukurung didalam hati

Manih dingan ku telan pahit ku raso 2x

Surat Undangan ngan adik beri
Munambah raso sakit dihati
Kusangko adik intan permato
Kiro nyo duri paling bubiso
Sungguh hati nyo adik tiado peduli
Namun undangan ini aku penuhi

Reff
Lamo.... lamo kunantik
Burubah piyo adik burubah
Umpamo munantik musim
Paneh ku harap hujan ngan tibo
Lain niat di hati lain tijadi
Uhang lain jugo ngan mao jadi

Adik bumandi ngan ayi hujan
Kami bumandi ngan ayi mato
Adik bukanti ngan uhang senang
Kami bukanti ngan bayang iko
Bia aku mungalah dalam bucinto
Pado dibuganding uhang burado

TINGGELAM DALAM MINUMAN

Lah lapuk raso nyo badan
Lah hancu raso nyo tulang
Ku tinggelam didalam minuman
Ku ajak kanti ku heppi
Uang abih tiado peduli
Ngan penting senang raso didalam hati
Manen uhang nak sayang dikami
Sedangkan badan dak sayang diri

Adat agamo aku lah lupo
Narako bagiku sekedar carito
Astagfirullah insyaallah
Idak ku ulang maso maso ngan tibo
Bialah tinggan jadi carito lamo 2x

BARAU BARAU

Cipt: Rusnali

Dikualah ridik yo dik 
Terbang dibudengung
Barau alah barau dimumbentang tali 2x
Piyo alah adik yo dik
Duduk dibumenung
Maih alah usik lasi dingan kami 2x

Kalu lah nak tau yo dik
Tajam lah nyo pisau
Cubo lah di acap lasi ujung lidi 2x
Kalu lah nak tau yo dik
Lasi barau barau
Bilo lah nyo glak pirung lah di pipi 2x

Lah kami cubo yo dik
Dimunanam jagung
Uhang dimunyuhuh dimunanam bawang 2x
Lah kami cubo yo dik
Dimungadu untung
Barau alah barau dingan nasib malang2x

Kalu lah nak tau yo dik
Lasi jalan buntu
Cubo dibuladang lasi sungai lintang 2x
Kalu lah nak tau yo dik
Untung lah nyo kami
Cinok alah akit putuh dipungarang 2x

BURALIH KATO

Di ahi petang uwo di bujalan
Idak lah singajo dibusuo iko 2x
Kiro nyo adik usik ngan bujang lain
Lah ditinggan hati lah si badan kami 2x

Idak tiraso ayi mato jatuh
Ngimak lah nyo adik usik buduo pulo
Ngimak lah nyo adik bubimbing tangan pulo
Kalu dak tinam sayang lah di adik
Lah lamo nian ngalih diku lain 2x
Reff:
Kalu ku tau ini jadi nyo
Idak kurembuh munyinto iko
Pandai lah nian adik bukato
Kato ngan pedih idak tiraso 2x

Kalu lah ganti bulih lah dicari
Lah sirupo iko mano lah ku cari 2x
Adik umpamo lah si daun gambih
Lah di telan pahit nak di buang sayang2x

KATO DAK JADI

Sulak lah dereh busimpang gedang
Satu nyo arah jalan mundaki 2x
Sungguhlah pueh kami burulang 
Pio lah minin ngato dak jadi 2x

Adik ngan uwo cinto
Sampai nyo hati mbuang nyo kami
Adik lah mumikat janji
Sampai nyo hati mbuang nyo kami

Sungguhlah pueh kami burulang
Pio lah minin ngato dak jadi 2x

Adik ngan manih ngan uwo cinto
Sampai nyo hati buang nyo kami
Uwo mungharap kisah ngan lamo
Di lupo jangan di kenang jangan
Bialah minin uwo bujalan
Pado munanggung malu kito dak jadi2x

Lepeh ditangan burung merpati
Tirebang lah nyo mumbao tali 2x
Pueh munalak didalam hati
Bupisah jugo dingan tijadi 2x

KATO HARAP

Idak ku harap bungo kembang
Bilo nyo tumbuh buduri duri
Idak ku harap cinto datang dik ooii
Bilo munambah sakit hati. 2x
Reff:
Idak buguno lubuk gedang
Kalu lah idak burisi ikan
Hati ku mabuk siang malam dik ooii
Adik lah idak murasokan. 2x

Usah digenggam baro api
Letup nyo tangan letup nyo jari
Usah lah kito bumain hati dik ooii
Kalu lah idak langsung jadi. 2x

Jangan diberi kami tungkat
Bilo lah tungkat mao jatuh
Usah diberi kato harap dik ooiii
Beri lah kami kato putuh. 2x

Kembali ke reff

HARTO JADI UKURAN

Jangan tilalu jauh
kayo mumandang kami
Idak buharto dak pantas
sikendak hati. 2x

Dulu elah ku kato
Ku badan kayo uwo
Idak silawan pirak
Mumbungkuh intan 2x

Aku mungharap Kasih sijati
Lain ngan tibo kubadan kito
Harto ukuran hubungan kito
Sibelum lamo iluk dipikie
Sibelum lamo iluk bupisah

Balai simuhut di petang ahi
Bao ku pinang busamo siambung duo2x
Jangan dituhut malang nyo kami uwo
Kayo hang senang tibao munanggung siso 2x

Di ayi haji gunung tirasih
Pandan lah nian tumbuh dak layu
Uhang lah benci kusangko kasih
Badan ku nian dak tau malu 2x

Jangan tilalu jauh
Kayo mumandang kami
Idak buharto dak pantas
Sikendak hati. 2x

Dulu elah ku kato
Ku badan kayo uwo
Idak silawan pirak
Mumbungkuh intan. 2x

DATUNG

Cipt: Afnir Honoris

Dimundaki lasi bukit pendung
Nampaklah dusun koto majidin
Sampai hati kayo ini datung
Buang punakan ambik uhang lain 2x

Dusun pendung bukit lahnyo tinggi
Dusunlah lamo dimujemo padi
Datung nalak nantu bupangkat tinggi
Punakan ado lah kayo benci 2x
Reff:
Punakan hino datung kayo dak suko
Kurano nakan datung idak burado
Musekin pulo......
Itulah sebab datung kayo dak suko
Kurano nakan uhang musekin
Bu ayah idak mularat pulo

Koto kreh dingan koto lolo
Uhang busamo dimumbeli kain
Kami kreh kayo idak suko
Kayolah ado dipunano lain 2x

Uhang kubang banyak di kayu aro
Uhang buladang lah di simpang tigo
Kayo mumandang punakan idak kurejo
Itulah sebab kayo idak suko 2x

Kembali ke reff

HILANG DIRANTAU

Voc: Bustan Pranata
Cipr: Joni Efendi, S.Pd

Sejak nyo adik jauh dirantau uhang
Rindu nyo hati tahan idak titahan
Tipakso badan aku saba mununggu
Asal lah idak janji kito burubah

Butahun tahun nantik adik ni balik
Lah putih mato ndih muratap tangih
Burito sampai di dalam mimpi
Adik munghilang same mulambai tangan 2x
Reff:
Malang nian nasib nyo aku
Uhang ku cinto minin lah hilang
Butambah pedih luko dihati
Adik munggilang dirantau uhang 2x

Tilalu cepat takdir ini tajadi
Raso dak mungkin adik tinggan ku kami
Sampailah nian malang munimpo diri
Takdir kuaso datang munjemput adik

Kembali ke reff

BUKATO MANIH

Kejamlah nian kayo ni uwo
Sampai nyo kami kayo kuduo
Apolah guno janji ku tantik
Kalu lah kami dingan tinayo

Kejamlah nian kayo ni uwo
Sampai nyo kami kayo kuduo 2x
Apolah guno janji ku tantik
Kalu lah kami dingan tinayo 2x

Dulu kayo manih bukato
Piyo minin pahit tiraso
Dulu kayo bukato cinto
Piyo minin sakit munimpo
Putuhlah sudah hubungan kito
Kami lah idak agi pucayo

Tumbuh lah kau si limau kunci
Tumbuh lah ranyo di pintu kandang 2x
Hati nyo kami sudah ti kunci
Untuk nyo kayo uhang ngan kejam 2x

Sebab kayo hati ku usuh
Ulak kayo pikiran kacau
Kayo mena gawe silungkuh
Gawe kayo iyo tilampau
Haram ku sentuh tubuh nyo kayo
Haram ku maaf salah nyo kayo

Kejam lah nian kayo ni uwo
Sampai nyo kami kayo kuduo
Apolah guno janji ku tantik
Kalu lah kami dingan tinayo

RANTAU DITEMPUH

Tinggan lah dulu tanah kurinci
Tinggan dunsanak serto pumili
Tibuang jauh tubuh ku ini
Sudah suratan dari ilahi

Teduh lah hujan terang lah kabut
Kami nak nempuh laut ngan dalam
Kaki ku langkah tangan ku ayun
Dimano singgah situ bumalam
Reff
Kalu lah rindu bukirim salam
Kami bujuang dirantau uhang
Usah di sesan kito bupisah
Entah di situ nasib burubah

Di rantau banyak macam busuo
Baik ngan susah silih buganti
Doa ku bae pado kuaso
Bulih mak kito busuo agi

Kembali ke reff

Tinggan lah dulu tanah kurinci
Tinggan dunsanak serto pumili
Tibuang jauh tubuh ku ini
Sudah suratan dari ilahi

KAMI DIBUANG

Sampai lah hati iko ni kanti
Iko lah tau kami lah bumudo 2x
Kami tau jugo iko uhang bupangkat
Sedangkan kami anak petani 2x

Ambik anak datung pamudo kami
Kami bumudo iyo lah lamo 2x
Dulu lah datung suko di kami
Piyo lah minin kami kayo banci 2x

Sungguh lah pueh kami burulang
Idak lah tentu paneh ngan hujan
Sejak iko kecik sampai iko gedang
Piyo lah gedang kami iko buang

Enak ku lpeh hati ku berat
Idak ku lpeh datung lah benci 2x
Malu ku tanggung pedih di hati
Janji nak nikah sampai dak jadi 2x

Uhang si dusun lah tau galo
Badan kami suhang ngan adik cinto 2x
Nyato nyo minin lain dingan tijadi
Sampai lah hati adik dimumbenci
Sampai lah hati dimumbuang kami

Sungguh lah pueh kami burulang
Idak lah tentu paneh ngan hujan
Sejak iko kecik sampai iko gedang
Piyo lah gedang kami iko buang

BUPISAH KASIH

Voc: Uris Firmansyah

Bilo malam tibo adik tibayang bayang
Tikenang maso maso bumudo
Kito buduo lah samo bujanji
bupegang kato mak sampai jadi
Tapi nyo minin lain ngan tijadi
Kito bupisah ulah uhang tuo
Uhang tuo adik idak nyo suko

Ibo nian hati bilo mundenga kato
Kato munghino sibadan kami
Kami tau jugo badan musekin sansaro pulo
Tapi jangan jugo sampai munghino
Reff
Iyo lah malang nasib nyo kami
Bupisah kasih ulah uhang tuo
Uhang tuo adik nalak nantu bupangkat
Kami ngan tiado buguno tasisih nian
Bialah minin kito bupisah
Dari pado cinto patah ditengah

Ku pado tuhan aku slalu budoa
Dendam dan benci tak kan tijadi
Aku pun rela asal adik bahagia
Bialah hati pedih tasiso

Kembali ke reff

RINDU DENDAM

Voc: Uris Firmansyah
Cipt: Ade seffwan

Elah sitahun kito idak di busuo
Sitahun pulo aku dimabuk rindu dendam 2x
Ku tau cinto adik untuk badan kami
Walau bupisah kito jauh buripang badan2x

Tikejut kami tisintak raso dalam hati
Raso bumimpi badan ku ini di tengah hari2x
Abih lah tahun aku munanggung rindu dendam
Lpeh lah rindu hilang lah pulo kasih sayang2x

Raso nyo iluk mato ku buto
Pado ku ngimak adik buduo
Kalu lah idak ku takut duso
Iluk ku mati mumbunuh diri

Enak ku tanam niat di dalam lubuk hati
Idak ku rembuh bumain cinto kaduo kali2x
Bukan ku takut bumain cinto barulang kali
Ku takut luko bubalik balik munimpo diri2x

Raso nyo iluk mato ku buto
Pado ku ngimak adik buduo
Kalu lah idak ku takut duso
Iluk ku mati mumbunuh diri

Elah sitahun kito idak di busuo
Sitahun pulo aku dimabuk rindu dendam 2x
Ku tau cinto adik untuk badan kami
Walau bupisah kito jauh buripang badan2x

MUKESUD HATI

Cipt: Mukhtar Hadist

Apo nian di mukesud hati
Tiap malam jadi diku mimpi
Idak dapat kato renak jadi..pandak. ]
Belum senang raso lah nyo hati. ]2x

Kalu dapat kato renak jadi
Kamano bae mbuh aku nuhut
Asal Idak ngubah diku janji.. pandak. ]
Laut dalam samo kito tempuh. ]2x

Kalu muletuh gunung di kurinci
Baru kering lah si ayi gao
Kalu kering danau di kurinci..pandak.]
Tubuh kayo haram lah ku lupo. ]2x

Kalu nak ili diku lubuk paku
Nantik ku ahi sipaneh petang
Jangan di dalak lah si genti aku pandak]
Nantik ku tubuh badan aku hilang. ]2x

TANGIH BUJANG MUSEKIN

Voc: Edrizaldi
Cipt: Hermanto/Pordeka/Edrizaldi

Bilo dikenang untung nyo kami
Duduk bumenung buhibo hati
Tabayang maso agi busamo }
Maso nyo agi kito buduo. }2x

Pangku anak kayo ini datung
Kami musekin dihino jangan
Sudah lah takdir tuhan kuaso }
Kami/bujang musekin idak budayo }2x

Sampai lah hati iko ni adik
Cinto lah putuh karno harato
Tilalu hati kayo ni datung
Manding ku kami ngan uhang kayo

Malang lah nian nasib ku ini
Tiap bucinto ngan hati luko
Bilo dikenang maso busamo. }
Jatuh buderai si ayi mato. }2x

Sampai lah hati kayo ni datung
Cinto lah putuh karno harato

Bujang burado datang butanyo
Kayo munjawab ngan kato iyo
Bujang musekin datang butanyo
Kayo mumbaleh ngan kato hino

Cinto dibanding dingan harato. }
Munanggung luko bujang dak punyo}2x

TIHINO

Voc: Andy Al-Krienciehie
Cipt: Andi Al-Krienciehie

Datung sampai hati kayo ini datung
Dulu kami disayang minin di buang
Minin kami dilupo kayo nak nalak
Nantu uhang burado
Sungguh kayo idak
munimbang raso hati kami ni luko
Tibuang kami dihino 2x

Datung kejam nian kayo ini datung
Minin kayo munguku cinto ngan harto

Kayo banding kami ngan uhang burado
Kami mularat idak buguno
Kurano harto kami tihino
Anak kayo pakso bupaling cinto
Tibuang kami murano 2x

Datung kejam nian kayo ini datung
Minin kayo munguku cinto ngan harto

Kayo banding kami ngan uhang burado
Kami mularat idak buguno
Kurano harto kami tihino
Anak kayo pakso bupaling cinto
Tibuang kami murano 2x

Datung sampai hati kayo ini datung
Dulu kami disayang minin di buang

SUNGAI SIAK

Cipt: Saiful SE

Senjo munguning di sungai siak
Sayup nyo nampak kapal bulayar
Adik tibayang duduk munangih
Mandi baurai siayi mato
Tiraso berat kaki ku langkah
Ninggan ku adik gi sedang sayang

Adik..rembuh ku balik munyatu bae
Adik..saba munantik saba lah sayang
Nyampang ticapai mukesud hati dik
Adik ku jemput balik ka kinci
Maih lah minin samo budoa dik
Suratan takdir tuhan kuaso

Kembali ke awal

MURANO NIAN

Voc: Delia
Cipt: Mukhtar Hadis

Murano nian murano nian kau ni pandan
nampaklah putik nampaklah putik pandan sikua 2x
Murano nian murano nian kau ni badan
numpanglah kasih numpanglah kasih katunang uhang 2x

Maih kuangkat maih kuangkat maih kuribu
limaulah kunci limau lah kunci di tengah laman 2x
maih aman maih aman maih ku sambut
nak kuambik nak kuambik dak sampai tangan 2x

Lah ci lah medak lah ci lah medak di tengah laman
akalah ranyo akalah ranyo silang bu silang 2x
pado tegak pado tegak di tengah laman
maih lah kumah maih lah kumah mak samo senang 2x

Iluk ku anyam iluk ku anyam kau ni lapik
tempat lah duduk tempat lah duduk situan rajo2x
iluk ku lawan iluk ku lawan kayo burusik
nalaklah langkah nalaklah langkah dingan purajo 2x

Mmboulah api mboulah api di ateh dapou
pasang ku tungku pasang ku tungku ngan duo tigo 2x
didalam hati di dalam hati kito si kubu
kalulah hidup kalu lah hidup kito sinyawo 2x

KARAM DILAUT

Cipt: hatmajar idris

Banyak lah uhang mandi di laut
kami lah bae mandi di kali
banyak lah uhang karam di laut }
kami lah bae karam di hati }2x

Pisau lah raut kijang di rimbo
di ambik anak si rajo jedah
karam di laut bulih di timbo }
karam di hati bilo ka sudah }2x

Limau lah purut di dalam rimbo
limau lah manih di dalam peti
karam di laut bulih di timbo }
karam di hati mumbunuh diri }2x

Gedang lah ayi danau kurimci
ayi mulimpah ka pulau tengah
pado ku hidup mumakan hati }
iluk ku mati bukalang tanah }2x

Kembali ke awal

TENGGELAM DI AYI TENANG

Voc: Eka Diana

Apo mukesud malam pgi mumancing 
umpan belum nyo ado
lubuk idak bu ikan pancing idak buguno 2x
apo mukesud adik banding di banding
dingan uhang burado
pirak dingan nyo intan rupo idak sirupo 2x

Kalu ku mudik kito busamo-samo
burenti di kilok tigo
jalan teruh mundaki sampai ku kayu aro 2x
kalu knek dimumandang rupo
pumen dingan nyo harto
rupo jauh sikali harto adik dak punyo 2x

Mukesud knek idak adik murintang
halang idak tihalang
tahan idak titahan tegah apo ku negah 2x
hino nyo diri hino munimpo nimpo
malang idak titanggung
tibuang bubalik balik tingglam di ayi tenang 2x

SERIBU BINTANG

Voc:Yesi
Cipt: Eddi Hartoni

Maso busuo di taman bungo
kito saling pandang mumandang
tiraso nian di dalam hati }
raso senang kupado kayo }2x

Siang ti ingat malam tibayang
dalam mimpi kayo pun datang
nak itu nian rindu di kayo }
nak itu nian cinto di kayo }2x

Reff:
Piyo hati ku si mabuk ini
kayo bae dingan tibayang
apo kayo ado muraso }
apo ngan adik raso kan }2x

Malam indah seribu bintang
aku bao duduk bumenung
hayal lapeh angan titumbuk }
wajah kayo jugo ngan nampak }2x

Idak ku nyangko kito buduo
samo-samo muraso cinto
senang nian raso di hati }
sampai jugo kito bumudo }2x

Kembali ke reff

ANAK DATUNG

Voc: Eka Diana

Apo nian salah aku salah nyo aku
mako nyo anak yo datung idak kutuju 2x
mungkin nyo ado datung pamudo lain
mako nyo sampai yo datung aku di benci 2x

Reff:
Lah ku tunggu kutantik tamat sikula
tamat sikula hang lain ngan mao jadi 2x
bia dak jadi yo datung minantu kayo
namun nyo kayo yo datung datung ku jugo 2x

Idak nian salah nyo kayo datung
salah nyo anak kayo pumilih
sampai hati si anak datung
buang pumisan ambik uhang lain

Kembali ke reff

HUJAN DI TENGAH HARI

Voc: Eka Diana

Ku sangko paneh pagi sampai lah diku petang
kiro lah hujan lah di tengah ahi 2x
mukesud idak sampai kayo idak sudah
apo lah dayo lah si badan kami 2x

uwo burubah hati bupaling muko
uwo mulakang nian munjauh pulo

paneh lah si tahun hilang di hujan sahi
maso ngan iluk lah ti hapus sudah 2x
usah kayo piki lah si badan kami
habih nyo manih sepah nyo kayo tinggan 2x

uwo pandai lah nian busilat lidah
uwo pandai nyo kayo mumbalik kato

tali kasih kayo lah putuh benang cinto kayo lah ungkai
sakit nyo badan lah tilalu sakit 2x
bujabat tangan kito busumpah kayo pulo ngan mungungkai
tanggung di kayo sumpah duso kayo 2x

uwo di tangan kayo sigalo galo
uwo apo tijadi adik tarimo

SAMO SIHATI

Pucayo lah bang apo di ragu
raso dak mungkin hati burubah
cinto nyo adik ku abang suhang
sampai dimano maso bujalan
abang ku sayang tetap di hati

Reff:
Abang pilihan satu satu nyo
susah ngan senang tetap busamo
apolah dingan di ragu agi
adik dak mungkin mungubah janji
pucayolah bang kato nyo hati

Bumi ngan langit munjadi saksi
kito buduo samo sihati
bialah hilang tubuh di bumi
cinto ngan suci ku bao mati
sampai kiamat abang kunanti

Kembali ke reff

SUNGAI MANCUR

Voc: Iin MD
Cipt: NN

Sungai mancur ayi ranyo tenang
Andih sungguh lah tenang ngah dereh lah diku tepi 2x
Sungguh duduk piki lah idak senang
Andih tangih bukurung ngah ladi lah dalam hati 2x

Kami tau umah lah dibulando
Andih dinding nyo kaco ngah lah jandila pulo 2x
Kami tau di rahasio kayo
Andih mulut lah manih ngah hati lah idak suko 2x

Kali ili diku lah tanjung tanah
Andih punai murindu ngah lah di lah tanjung pauh 2x
Sedang rindu kayo lah ladi tangan
Andih sedang lah sayang ngah lati lah rebang jauh 2x

Di ku sulak diku lah sulak bae
Andih elun ku cubo ngah diku lah sulak tenang 2x
Sungguh gelak aku lah gelak bae
Andih elun ku cubo ngah dibu lah hati senang 2x

KAMI MUSEKIN

Voc: Marsan Jufri

Kami musekin adik lah kayo
patut lah nian iko dak suko 2x
iko ngan kayo banyak ngan suko
kami musekin entah kumano
kumano pegi uhang munghino

adik umpamo intan bukarang }
kami umpamo lah timbago luyang }2x

ado ku dengan uhang mungato
iko ngan kayo yo samo kayo
kami musekin jangan dihino
iko ngan baik muraso senang
kami musekin dak tentu nian
kumano pegi tetap di buang

adik umpamo intan bukarang }
kami umpamo lah timbago luyang }2x

Kembali ke awal

TIGENGGAM BUNGO BUDURI

Voc: Fradilan Sandi

Ndiiiih dik apo lah nian 
salah nyo uwo silamo ini
sigalo kendak lah uwo tuhut
kureno sayang uwo ka adik
jangan kan harto ngan adik pintak
jantung ngan hati ku bagih jugo

ndiiih dik idak ku nyangko
sampai nyo hati mumbuat luko
cinto ngan suci ngan aku beri
tapi di baleh ngan luko hati
dulu nyo adik manih bujanji
nyato nyo pahit dingan ku raso

kalu lah mati badan ku ini
jasad ku munangih di dalam kubu
karno munanggung luko nyo hati
sakit mulebih tajam sembilu

ndiiiih dik idak ku nyangko
mudah nyo adik lupo di kami
kami di buang umpamo tebu
lah abih manih sepah di buang
lah abih galo ngan aku punyo
adik buralih ngan uhang lain

idak ku nyangko silamo ini
aku tigenggam bungo buduri
rupo ngan iluk kami tidayo
duri ngan tajam munusuk jari

BUNGO AYO

kembang lah kau bungo ayo
bulih ku kandang ku siram
kujago siang malam
nak ku genggam lun tentu
nak ku campak ku lpeh
ku buang sedang sayang

paneh munyibak pagi ahi
kau ku sayang ku ungkeh
angin burembus petang ahi
kau butale munari

bilo alah kumbang tirebang hati aku usuh
bilo ahi paneh hati cmeh kalu kau layu
kembang lah bungo bulih kujago
petang ngan pagi kito bukasih sayang

kembali ke awal

BUNGO BUPINDAH KULAMAN UHANG

Adik iko munulak idak bukato
karno purangai uwo tikeno
bungo ngan kujago siang ngan malam
minin bupindah kulaman uhang

Idak ku nyangko ini tijadi
bungo ditangan di ambik uhang
bungo ku jago siang ngan malam }
minin bupindah kulaman uhang }2x

Sejak ku denga kabar burito
burito adik di ambik uhang
badan ku idak budayo agi }
kumano nian ku nalak genti }2x

Ado ku tau jalan tu licin
punano hati nak nempuh jugo
cinto nyo adik ngalih ku lain }
cinto nyo kami entah kumano }2x

Ado ku tau kami agi sayang
karno musekin sayang dak nampak
iko munulak idak bukato }
karno purangai kami tikeno }2x

Rindu ngan dendam ku bao pegi
adik dak sampai ku tangan kami
same lah ado untung ngan baik
di situ kito busuo pulo
mungkin nyo ado angin ngan baik
same disitu purajo ado

Ado ku tau jalan tu licin
punano hati nak nempuh jugo
cinto nyo adik ngalih kulain
cinto nyo kami entah kumano 2x

IDAK SIBANDING

Tumbuh sirumpun si batang buluh
Situlah tempat tapian mandi
Bialah aku tibuang jauh
Asallah kayo busenang hati

Bialah rimbun kayu ngan tinggi
Tempat buteduh di tengah ahi
Apo di harap kupado kami
Baju di badan idak buganti

Pikilah nian tanyo di hati
Idak sibanding kayo ngan kami
Pado munyesan di lain hari }
Baik di lupo sibadan kami }2x
reff:
Apo di harap kupado padi
Umahnyo idaklah ampo pulo
Apo di harap kupado kami
Pumenlah idak musekin pulo

Kalu bubungo si kayu lilin
Tumbuhlah ranyo di tepi imbo
Iluklah kayo nalak ngan lain
Kalu ngan kami kayo sansaro

Pikilah nian tanyo di hati Idak
sibanding kayo ngan kami
Pado munyesan di lain hari }
Baik di lupo sibadan kami }2x

KUBASUH LUKO

Koto puriang jembatan besi
busimpang jalan ku koto panjang
kato lah harap ngan adik beri
piyo lah minin lain tijadi
adik lah sampai munanyo kami

Tiraso nian hino di aku
uhang buunda aku bujalan
mungkin disitu hati adik diburubah 2x
Reff:
Mungkin ayi mato adik lah abih
mungkin pulo raso ibo adik lah hilang
kalu idak cinto maaf ku kami
jangan di mumbenci di dalam hati

Bia lah luko bupahut di dalam hati

Jangan di tumpang sibiduk tirih
same nyo adik tibao karam
jangan dicinto bujang musekin
same nyo adik tibao malang

Kembali ke reff

Bialah luko ku basuh ngan ayi mato 2x

MAK

Voc: Fradilan Sandi

Maaak....
mano hati dak muraso ibo }
ngimak kanti banyak sagalo ado }2x

dimano duduk tibayang
ayie mato jugo bulinang
sudah nasib anak mak ngan tinggan
siang malam munanggung rasooo

ooooiii mak.. kadang makan kadang puaso
ooooiii mak..sudah nasib anak mak sansaro

maaak......
andai minin agi sahidup kayo }
mungkin idak anak jdi sio sio }2x

minin kayo mak lah pegi
bubalik pado ngan kuaso
ado ayah ngimak kulain
tabiya anak hidup sansaro

ooooii mak..kumano agi tempat mungadu
ooooiii mak..kumano agi tempat bugantung
ooooiii mak..kadang makan kadang puaso
ooooiii mak..sudah nasib anak mak sansaro

MASO SIKULA

voc. Ria sinthanara
cipt. Rf.rendra

Murebah badan munghadap ku langit
tibayang bayang maso kito di buduo
mumadu kasih. . ,mungukir cito
tapi minin kito nak bupisah
tamatlah sudah kito sikula

kayo ku cinto kayo ku sayang
idak ku lupo tetap ku kenang
kayo ku cinto kayo ku sayang
sampai bupisah nyao ngan badan

kisah nyo kito janganlah dilupo
bia bupisah ingatlah maso sikula
mumadu kasih. . , mungukir cito

tapi minin kito nak bupisah
tamatlah sudah kito sikula

kayo kucinto kayo ku sayang
idak ku lupo slala ku ingat tetap ku kenang
kayo ku cinto kayo ku sayang
sampai bupisah nyao ngan badan
kisahnyo kito janganlah dilupo

bia bupisah ingatlah maso sikula

NASIB BADAN

balik ku dusun mungirang padi
padi dikirang disungai nangkap
raso ngambik bungo dalam duri
tangan ku luko bungo idak dapat 2x

pegi buladang padun bu umbak
tempat mumandang ku sulak mukai
kami musekin sigalo idak
patut lah nian adik idak ndak 2x
reff:
pegi alah usik diku ayie putih
jalan lah teruh diku lah batu gedang 2x
adik lah di tanyo uhang ngan kasih
mano lah bulih kami munumpang sayang 2x

numpang buladang kubukit buntak
singgah burenti di simpang tigo
tiap butuik hati idak ndak
bao munangih hati ku ibo 2x

nak lah mudik ku talang tinggi
jalan lah teruh talang ku payang
malang lah nian nasib lah nyo aku
cinok lah rakit putuh dipungarang 2x

UWO MUSKIN

MARSAN JUFRI

Idak di mungapo badan uwo tinggan
Kureno uwo uhang idak punyo
Ungkailah janji janji buduo
Usah lah adik mikie ku uwo
kureno ado ngan lain pungganti uwo 2x

idak dimungapo badan uwo tinggan
kureno uwo uhang idak punyo

uwo musekin hidup mularat
badan sansaro dibenci uhang
mano lah mungkin cinto salamat
bak burung pungguk rindu kan bulan 2x

Idak dimungapo badan uwo tinggan
kureno uwo uhang idak punyo

Uwo musekin hidup mularat
badan sansaro dibenci uhang
Manolah mungkin cinto salamat
bak burung pungguk rindukan bulan 2x

Idak dimungapo badan uwo tinggan
kureno uwo uhang idak punyo
ungkai lah janji janji buduo
usah lah adik miki ku uwo
kureno ado ngan lain pungganti uwo 2x

Idak dimungapo badan uwo tinggan
kureno uwo uhang idak punyo

TIGENJUNG

Voc: Delia

Uwo kayo bukato emas kayo bujanji intan
tapi lah minin uwo piyo timbago
piyo timbago uwo ngan adik raso

>Uwo pandai kayo bukato pandai kayo bujanji
kato ngan pahit uwo manih tidenga
manih tidenga uwo kami tikeno

Dulu kato sanjung setinggi langit
kato sayang idak nyo hilang
minin yo tigenjung nian nyo kami
kayo buang kami ngan malang

Silih mumbuang buang sahap di laman
buang ku bukit dingan tinggi
buang ku rimbo dingan lengan
buang ku luhah dingan dalam
bia tibuang nian 2x

kembali ke >

ULAH DI RINGGIT

Voc: Fradilan Sandi

Ulah di ringgit ku tinggan kinci
niat nyo hati ke negri jiran 2x
Bialah pahit dalam muncahi
asal nyo senang iko ngan tinggan 2x

Tinggan lah kau labuhan dumai
kapal munuju selat malaka
tidenga kaba burito sampai
adik ku tinggan gilo ba poya
ndih adik iko bapoya poya 2x

Tuka lah ringgit dingan rupiah
mako bukirim ku tanah kinci 2x
idak ku nyangko adik burubah
adik burubah munduo kami 2x

Nangih kumbang di ateh atap
ngimak bungo muracun tangkai
lah pueh nian aku busaba
ngimak nyo iko mena purangai
ndiih adik nalak jalan bucerai 2x

BURUBAH JANJI

Tikenang maso lamo
tabayang nyo dimato
maso itu hilang la sudah 
minin tinggan cerito lamo
minin tinggan cerito lamo

kito tinggan bulain dusun
dibusuo jarang busuo
tengah malam di dalam mimpi
uwo sayang tirebang jauh
uwo sayang tirebang jauh

kami jauh umah tipencin
bilo ujan jalan nyo licin
apo guno pesan dikirim
bilo uwo ngalih kulain...
kain panjang tando butunang
abih ahi lamo kusimpan
apo guno datung ku datang
ngubah janji buang punakan
ibo hati datung ku ae...

PONDOK TIRIH

Voc: Iin MD

di pondok tirih kami ni tinggan
di tepi bukit dusun ngan lengang 2x
apo lah dayo badan ku suhang
hidup di dusun uhang dak pandang 2x

>>Induk lah idak ayah lah pegi
tinggan nyo kami bu ibo hati 2x
minin ku cubo pegi bujalan
mungadu nasib untung ngan malang
kalu lah untung bubalik singgah
tanggung burendam mak sampai basah

Mano lah induk sirato ayah
imbo ngan mano kayo burado 2x
anak di rantau butambah susah
nasib nyo kami idak burubah 2x

Kembali >>

NGAH AEH

Voc: Desi vitria & Riyan Juanda

cew: 
sejak lah bento tumbuh di ladang
banyak lah mati si rumput lalang ngah aeh
sejak lah kayo di rantau uhang
siang ngan malam slalu ku kenang ngah aeh
siang ngan malam slalu ku kenang
idak ku lupo slalu tibayang

cow:
tinggi lah tinggi tirebang elang
hinggap lah ranyo di ateh pinang dik aeh
bia lah jauh di rantau uhang
dalam nyo hati jugo tibayang dik aeh
dalam nyo hati jugo tibayang
siang ngan malam slalu ku kenang

cew:
sungai lah dereh pgi murantau
cengkeh lah banyak bubuah musim ngah aeh
adik lah cmeh kayo di rantau
apo lah idak ado ngan lain ngah aeh
apo lah idak ado ngan lain
adik lah takut buralih lain

cow:
pucuk lah pauh sibena pauh
pucuk ngan mudo di ambik jugo dik aeh
adik lah jauh ngah pun jauh
dalam nyo mimpi busuo jugo dik aeh
dalam nyo mimpi busuo jugo
mimpi busuo kito buduo

cew:
kito sirempak ku bukit pendung
nampak lah renah dusun bului ngah aeh
kalu bukepak cinak lah burung
bulih busuo petang ngan pagi ngah aeh
bulih busuo petang ngan pagi
bia lah lambat kayo ku nantik

cow:
usah lah cameh pgi buladang
renah pumetik kito buladang dik aeh
usah lah cameh di rantau uhang
dalam nyo hati yo adik suhang dik aeh
dalam nyo hati yo adik suhang
saba munantik ooii adik sayang

RACUN CINTO

Voc: Ria Shintanara
Cipt: Ujang Francis

Rasonyo iluk mato ku buto
Pado ku ngimak kayo busanding
Ruponyo kayo buralih cinto
Tinggan lah kami murancun hati

Seribu janji tingganlah janji
Tanggung dikayo duso sumpah kito
Kayo di situ busenang hati
Kami bu urai ayi mato

Hancu nian harapan nyo hati
Kayo muracun cinto
Usah ditanyo kamano kami
Mumbao hati luko

Sudah lah untung suratan badan }
Dulu disayang minin dibuang } 2x

SIJANTUNG HATI

Voc. FRADILAN SANDI

Intro

*

**

***

Kutau adik Benci

Ku tau adik luko

idak singajo mungubah janji kito buduo

ku tau adik agilah sayang

kubadan uwo..... kanti bumudo

tapi minin apongan tijadi

kito buduo..... bupisah jugo

Kutau adik Benci

Ku tau adik luko

idak singajo mungubah janji kito buduo

~~~~~~~~~~~~~~~~~~~~

*

**

***

Tiraso berat kito bupisah

kendak hang tuo..... bupisah jugo....

kalu munentang uhang tuo adik

dak sanggup nian badan kuadik

tipakso aku..... mungurung niat....

Kutau adik Benci

Ku tau adik luko

idak singajo mungubah janji kito buduo

 ~~~~~~~~~~~~~~~~~~~~

*

**

***

Tiraso berat kito bupisah

kendak hang tuo..... bupisah jugo....

kalu munentang uhang tuo adik

dak sanggup nian badan kuadik

tipakso aku..... mungurung niat....

Kutau adik Benci

Ku tau adik luko

idak singajo mungubah janji kito buduo

SEPUTIH HATI SETULUS CINTO

voc. Rf.rendra&lia johan
cipt. Rf.rendra

Cwo:
Waktu bujalan musim buganti
namunnyo cinto kito tetap butahan

cwe:
iyo lah lamo kito busamo
hati munyatu munghapus ragu

kumbang ku sayag. . ,
jagan jauh tirebang
idak lah kuat hati
kami di tinggan

cwo:
bungo ku sayag. . ,
slalu hati tikenang
sumpah janji buduo
idak nyo hilang

ulang dr awal, lalu

~dengalah tuhan. . ,
jgn pisahkan kami
slalu busamo untuk slamo-lamonyo

IJAZAH

VOC : marsan jufri

tipakso aku saba munantik
munantik janji adik ngan pasti
adik bukato iyo agi lamo
tunggu ijazah tibo ditangan
baru nyo jadi kito buduo 2x

bia bukarat cinto dihati
namun nyo adik ku tantik jugo
bia mumutih ambut aku ini
namun nyo adik ku tantik jugo
kureno adik sibuah hati 2x

kato uhang tuo adik mungaku sanak
nyampang nyo kasih kito ngan idak sampai
uwo munulak mungaku sanak
kureno uwo sayang ku adik
same nyo ado purajo kito 2x